Хэлэлцэх асуудалтай холбогдуулж урилгаар оролцсон иргэд санал бодлоо чөлөөтэй илэрхийлэв.
Хурлаар хэлэлцсэн асуудлаас :
- Сумын ИТХ -ын тэргүүлэгчдээс 2015 онд зохион байгуулсан ажлын тайланг сонсоод төрийн байгууллагын ажил үйлчилгээ нь иргэдийн эрх зөрчигдөж буйд хяналт,шинжилгээ хийж дүгнэлт хийж ажиллахыг санал болгов.
- Засаг даргын үйл ажиллагааны мөрийн хөтөлбөрийн хэрэгжилтийг хангалттай гэж дүгнээд төлөөлөгчид цаашид бизнес эрхлэгчдийг дэмжих бодлого барьж ажиллах , төв гудамжны замыг сайжруулах зэрэг саналууд гарч хэрэгжүүлэхийг зөвлөв.
- 2016 оны газар зохион байгуулалтын төлөвлөгөө хэлэлцэж олон жил газар тариаланд ажилласан иргэдэд давуу эрхээр газар тариалангийн газар эзэмшүүлэх газрын хэмжээг тогтоож баталсан нь орон нутгийн иргэдийн эрх ашигт нийцсэн шийдвэр байлаа. Мөн 25-30 гаруй жил ашиглаагүй атаржиж байгаа 3000 гаруй га тариалангийн талбайг 2-р багийн бэлчээрийн даац хэтэрч байгаатай холбогдуулж тариалангийн талбайгаас хасаж бэлчээрт шилжүүлэх саналыг хэлэлцэн ходлбогдох дээд газарт уламжлан шийдвэрлүүлэх, хадлангийн газрыг зохистой ашиглаж бэлчээрийг хамгаалах, бэлчээр өнжөөж сэлгэх зэрэг асуудлыг төлөвлөгөөнд тусгаж тогтоолыг батлав.
- Ойгоос бэлтгэх хэрэглээний болон түлшний модны хэмжээг баталж цаашид Ойн нөөц багасч байгаатай холбогдуулж хэрэглээний мод, түлшний мод хэрэглэхийг багасгаж ААНБ нүүрс түлхүү хэрэглэх, айл өрх аргал үртэс , гишүү хэрэглүүлэх бодлого барьж ажиллахыг ИТХ -ын төлөөлөгчид сумын засаг дарга БОА -д санал болгов.
- Аймгийн ИТХ -аас ОНХСангийн хөрөнгө 2016 онд 91 сая төгрөг хуваарилагдан ирсэнийг санхүүжих төсөл хөтөлбөрийн жагсаалтын хамт баталлаа. Засгийн газрын 147,230 дугаар тогтоолын дагуу хэмнэлтийн горимыг хэрэгжүүлэх зорилгоор бараа ажил үйлчилгээний бусад зардлыг бууруулсанаар ИТХ, ЗДТГ-ын төсвийн урсгал зардал өмнөх оноос буурч батлагдсан байна.