- Сумын ИТХ - ын ээлжит бус хуралдаан 04 сарын 22 - ны өдөр хуралдаж сумын хилийн цэсийн эргэлтийн цэгийг, зураглалын хамт баталгаажуулав.
ИТХ - ын төлөөлөгчид тус хуралдаанаас хилийн цэсийн эргэлтийн цэг, хил заагийг тэмдэгжүүлэх , хилийн цэсийн баталгаат зураглалыг иргэд малчдад сурталчлан таниулах ажлыг хэрэгжүүлэхийг сумын засаг даргад тогтоолоор үүрэг болгов. \
2. Сумын ИТХ - аас 04 сарын 15 - ны өдөр удирдах албан тушаалтануудын уулзалт ярилцлагыг зохион байгуулж ИТХ - ын төлөөлөгчид, БИНХ - ын дарга, ЗДТГ -ын албад, Төсөвт байгууллагын дарга , менежер, нийгмийн ажилтан, арга зүйч нар оролцлоо.
Уулзалт зөвлөгөөний зорилго нь мэдээллийн ил тод байдлыг хангаж удирдах түвшиний ажилтануудын үүрэг хариуцлагыг өндөржүүлж ажлын уялдаа холбоог сайжруулах, төрийн үйлчилгээг ил тод , тэгш, шударга, хүртээмжтэй хүргэж иргэдийн эрх ашгийг дээдлэхэд чиглэсэн болно. Төрийн байгууллагын дарга нар дараахь сэдвээр мэдээллийг хийв.
Үүнд : - Иргэдэд төрийн үйлчилгээ үзүүлж байгаа ажлын чанар, үр дүн
- Ажилтан албан хаагчдын сахилга, ёс зүй хариуцлагыг дээшлүүлэх талаар зохиосон ажил, хүрсэн үр дүн
- Байгууллагад хэрэгжүүлж буй хөрөнгө оруулалт, хөтөлбөр төсөл арга хэмжээний үр дүн
- Шилэн дансны хуулийн талаар байгууллагын төсвийн ил тод байдал
Уулзалт ярилцлаганд оролцогчдоос удирдах албан хаагчид ажлын уялдаа холбоог сайжруулж мэдээллийн ил тод байдлыг тогтмол хангах, эрүүл мэндийн үзлэг оношт иргэдийг хамруулах, ундны усны эрүүл ахуйд хяналт хийх, боловсролын байгууллага нь хүүхдийн хүмүүжил төлөвшилийн талаар эцэг эхчүүд, төрийн захиргааны байгууллагатай нягт хамтран ажиллах талаар чиглэл зөвлөмж өгч ажиллаа.