Багийн Иргэдийн Нийтийн Хурлууд 2018. 10.26 -11.01 -ний өдөр хуралдаж 2019 оны газар зохион байгуулалтын төлөвлөгөөнд санал авах тухай асуудлыг хэлэлцэж малчдын өвөлжөө хаваржааны газар шинээр эзэмших, гэр бүлийн хэрэгцээнд шинээр газар эзэмших, өмчлөх, тариалангийн газрыг давуу эрх болон дуудлага худалдаагаар эзэмшүүлэх зэрэг саналууд гарч сумын ИТХ, Засаг даргад уламжлан хүргүүлэхээр шийдвэрлэв.
Багаас сонгогдсон ИТХ - ын төлөөлөгчид багийн хуралд оролцон иргэдийн санал бодлыг сонсож төрийн байгууллагын үйл ажиллагаа, сахилга дэг журам ямар түвшинд байгаа талаар санал асуулга авах ажлыг зохион байгуулав.
Хөх сүм багийн төвийн шинэ байрны нээлтийн ажиллагаа болж шинэ байрандаа хурлаа хийж багаас сонгогдсон ИТХ-ын төлөөөлөгчид оролцож санал асуулга авах, мэдээлэл өгөх ажлыг хэрэгжүүлэв.
Багийн хурлын дараа 1, 3,4 -р багаас сонгогдсон ИТХ-ын төлөөлөгчид азын сугалаа явуулж урамшуулах, АХА тэмцээн явуулах, Хөх сүм багийн иргэдэд урлаг соёлын арга хэмжээгээр үйлчилж иргэдийн идэвхийг өрнүүлэх ажлыг зохион байгуулав.
